Síldarminjasafn Íslands

Örnefnafélagið Snókur og FÁUM - Félag áhugamanna um minjasafn hafa undirritað samning um að FÁUM annist öll viðskipti fyrir örnefnasíðu Snóks, snokur.is
FÁUM mun varðveita sjóð félagsins, afla styrkja og greiða reikninga. Snóksfélagar munu eftir sem áður sjá um faglegu hlið örnefnasíðunnar.
Á snokur.is er kynnt örnefnasafn Helga Guðmundssonar sem hann vann að á Siglufirði um 1940. Þar er nálægt 1300 örnefnum lýst í gamla Sigluneshreppi; Siglufirði, Úlfsdölum, Siglunesi, Héðinsfirði og Hvanndölum.
FÁUM var stofnað 1989 og var hinn formlegi farvegur fyrir uppbyggingu Síldarminjasafnsins og rekstur þess til ársins 2006 þegar félag ásamt Siglufjarðarkaupstað breyttu safninu í sjálfseignarstofnun.
FÁUM starfar nú sem helsti bakhjarl Síldarminjasafnsins. Lesa meira

Þeir Bjarni Þorgeirsson, Jón Andrjes Hinriksson, Benóný Sigurður Þorkelsson og Rögnvaldur Þórðarson leituðu til FÁUM – félags áhugamanna um minjasafn, um að stofnuð yrði skíðaminjadeild innan félagsins. Þessi umleitun þeirra var samþykkt á fundi FÁUM 20. febrúar með undirskrift formlegs samnings. Kapparnir vilja færa skíðasögu Siglufjarðar til vegs og virðingar og hafa þegar staðið fyrir lítilli sýningu í glugga KS skrifstofunnar eins og flestum bæjarbúum er kunnugt.  

 

Lesa meira