Síldarminjasafn Íslands

Starfsmenn Síldarminjasafnsins „leyfðu sér þann munað“ að skreppa inn í Fljót um daginn og fara á rekafjöru í Mósvík til að sækja efnivið til bátasmíði – allskyns rótakrappa og bogna stubba sem nota má sem innviði árabáts;  bönd, stefniskrappa og kollharða. Þótt þoka hafi legið yfir ströndinni þá var ferðin ekki farin í leyfisleysi, heldur þvert á móti. Samið var við Sigurð Steingrímsson bónda á Ysta-Mói og fékk hann nýsaltaða síld í tveimur tunnum fyrir skepnurnar í staðinn fyrir spækjurnar.

Lesa meira

Nú er mokað upp gömlum undirstöðum síldarbrakka Ole Tynes til að leggja nýjan grunn að framtíðar glæsihóteli. Veitingahúsin Rauðka og Hannes Boy eru í gömlum fiskverkunarhúsum. Rækjuvinnsla og höfuðstöðvar Ramma eru byggðar á lóð síldarverksmiðjunnar Rauðku. Veitingahúsið Torgið er í fornu byggingavöruverlsun KFS. Siglósport í Kjötbúð KFS. Sparisjóður Siglufjarðar er starfræktur í húsi Útvegsbanka Íslands. Kítósanvinnsla Primex er í síldarþróarhúsinu Síberíu. Aðalbakarinn bakar í apóteki A.R. Schiöth. Björgunarsveitin Strákar er í loftvarnabyrgi frá seinna stríði, Þjónustustofnun verkafólks, Eining-Iðja, er í gömlu Bólsturgerðinni, Síldarminjasafn Íslands er risið á lóðum söltunarstöðvanna Nöf, Njarðar, Ísfirðinga/Róalds og Ásgeirs Péturssonar. Og svo framvegis.