Síldarminjasafn Íslands

Nú standa eftir gamlir bryggjustaurar í sjó  þar sem síldarsöltun Róaldstöðvarinnar og síðar Njarðar var í 60 ár. Og gera má ráð fyrir því að þeir eigi eftir að verða vinsælt myndefni ferðamanna í framtíðinni. Að ósk starfsmanna Síldarminjasafnsins fá þessir staurar væntanlega að standa sem minnisvarði um eina síðustu síldarbryggjuna og verður upplýsingaskilti með áhrifamikilli mynd sett upp á staðnum næsta vor.

Þann 1. september var komin stór kranabíll fyrir framan Bátahúsið í þeim tilgangi að rífa niður síðasta bryggjuhúsið frá síldarárunum. Elstu leifar hússins voru frá Njarðarstöðinni, eða gömlu söltunarstöð KEA. Áður en hafist var handa við niðurrif þurfti að koma íbúum hússins fyrir á nýjum stað, en eins og flestir Siglfirðingar vita hefur bryggjuhúsið verið dvalarstaður dúfnanna í bænum. Lesa meira