Síldarminjasafn Íslands

Sveitaball, Þrjú hjól undir bílnum, Jói útherji, Botnía, Mér er skemmt, Sjö litlar mýs, Svona er á síld, Ást, ást, ást – lögin sem allir muna. Hvað skyldi Ómar syngja í óskalagaþættinum „Á frívaktinni“ í Bátahúsinu á laugardagskvöldið kl. 20:30? Tónleikarnir „Á frívaktinni“ eru að þessu sinni til heiðurs Ómari Ragnarssyni einum af helstu skemmtikröftum og afkastamestu textahöfundum Íslands á 20. öld.

Forsala aðgöngumiða á tónleikana hefst fimmtudaginn 24. júní nk.
Miðar verða seldir í afgreiðslu Bátahússins á opnunartíma safnins, frá 10-18. Aðgangseyrir kr. 2000.-

Í tengslum við tónleikana gefst gestum færi á að senda inn kveðjur sem lesnar verða með óskalögum. Kveðjurnar mega gjarnan vera í gamansömum tón. Vinsamlegast sendið kveðjur á netfangið: safn@sild.is fyrir föstudaginn 25. júní.