Síldarminjasafn Íslands

TÝR SK 33, stærsta skip Síldarminjasafnsins, er smám saman að ganga í endurnýjun lífdaga - ekki sem veiðiskip heldur lifandi vettvangur til skoðunar fyrir safngesti og til tónleikahalds. Á myndinni er Sigurður Steingrímsson, starfsmaður JE vélaverkstæðis, að setja upp kompás-skyggni sem hann smíðaði. Viðgerð Týs er margháttuð og hefur staðið í mörg ár. Týr var smíðaður á Fáskrúðsfirði 1946 og gekk til fiskveiða í ein 40 ár. Síldveiðar munu hafa verið stundaðar á honum í kringum 1950 og hét hann á þeim árum Skrúður og Hrafn. Týr er stærsti sýningargripur safnsins 19 metrar á lengd og um 65 tonn að þyngd. Á safninu er hann útbúinn sem dæmigert síldarskip um miðja 20. öld.