Síldarminjasafn Íslands

Hér setur þú lýsinguna á vefnum

Velkomin á heimasíðuna

Síldarminjasafn Íslands

Síldarminjasafnið er stærsta sjóminja- og iðnaðarsafn landsins. Í þremur ólíkum húsum kynnumst við síldveiðum og vinnslu á silfri hafsins. Í Bátahúsinu liggja skip og bátar við bryggjur þar sem hafnarstemningin frá því um 1950 er endursköpuð. Róaldsbrakki er gamla norska söltunarstöðin og þar er flest eins og áður, vistarverur síldarstúlknanna, kontórinn og vinnuplássið. Á góðum sumardögum er þar sýnd síldarsöltun, harmonikan þanin og slegið er upp bryggjuballi. Í Gránu er safn um sögu bræðsluiðnaðarins sem löngum hefur verið kallaður fyrsta stóriðja Íslendinga. Þar hefur verið komið upp lítilli síldarverksmiðju frá 1935-40.

Safnið er opið daglega frá 1. júní til 15. september. Opnunartímar eru sem hér segir:  Frá 1. júní - 17. júní kl 13-17. Frá 18. júní -20. ágúst kl 10-18. Frá 21. ágúst – 15. september kl 13-17.  

Á öðrum tímum er opið eftir samkomulagi.

Aðgangseyrir er 1.200 kr. ókeypis er fyrir börn og unglinga undir 16 ára. Lífeyrisþegar og ungmenni undir 20 ára greiða 600 kr.

Síldarminjasafnið hlaut Íslensku safnverðlaunin árið 2000 er þau voru veitt í fyrsta sinn og Evrópuverðlaun safna árið 2004, Micheletti verðlaunin, þegar safnið var valið besta nýja iðnaðarsafn Evrópu það árið.

Fréttir

Veiðarfæraverslun Sig. Fanndal

Almennt - mánudagur 23.nóvember 2009
Sigurður og Rósa í versluninni
Það mætti halda að Siggi Fanndal sé búinn að opna veiðarfæraverslun sína aftur miðað við þessa mynd sem tekin var nú fyrir nokkrum dögum. Verslunarstjórinn í búðinni sinni gömlu klæddur afgreiðslusloppnum og virðist ekki árinu eldri en á fyrri tíð. En ekki er allt sem sýnist því þarna er hann mættur í Bátahúsið þar sem  veiðafæraverslunin hefur verið endurgerð til sýningar. Með honum á myndinni er Rósa Húnadóttir þjóðfræðingur á Síldarminjasafninu sem stjórnar skráningu safngripa og skipuleggur viðtöl heimildamanna. Og ekki er að spyrja að því hve mikilvægu hlutverki Sigurður Fanndal gegnir þarna. Frásagnir Sigga voru kvikmyndaðar og með þeirri skráningu lögð drög að heimildamyndagerð síðar. 

Jólakortaútgáfu safnsins lokið

Almennt - mánudagur 23.nóvember 2009
Vetrarkvöld eftir Örlyg Kristfinnsson
Síldarminjasafnið hefur hætt árlegri jólakortasölu sem staðið hefur frá 1989.

Þegar Félag áhugamanna um minjasafn hóf að undirbúa uppbyggingu minjasafns á Siglufirði var þessi kortaútgáfa fyrsta fjáröflunarleiðin. Síðan hafa tuttugu mismunandi kort verið prentuð og seld og á þeim tíma hefur minjasafn okkar Siglfirðinga orðið til og vaxið í það að verða eitt af stærstu söfnum landsins. Fyrstu árin gengu félagar í FÁUM í hús og buðu kortin til sölu en síðan fór salan fram í verslunum og með áskrift til brottfluttra Siglfirðinga. Árlega var salan á bilinu 2300-3000 kort. Eldri kort verða seld fyrir jólin og verður það auglýst sérstaklega.

Síldarminjasafnið og Félag áhugamanna um minjasafn þakka fyrir viðskiptin og góðan stuðning á umliðnum árum! Sérstakar og innilegar þakkir fær Guðný Guðmundsdóttir fyrir ómetanlegt framlag.

Skoða allar fréttir

Framsetning efnis

  • A-
  • A+
moya - Útgáfa 1.12 2007 - Stefna ehf

Innskráning