Bátasmíðanámskeið á Strandmenningarhátíð
Dagana 4. – 8. júlí fer fram á Siglufirði Norræn Strandmenningarhátíð. Hátíðinni er ætlað að vekja athygli á strandmenningu í allri sinni fjölbreytni og kynna fyrir almenningi.
Meðal þess sem á dagskrá verður er bátasmíðanámskeið undir handleiðslu Hafliða Aðalsteinssonar bátasmiðs úr Breiðafirði og Einars Borgfjörd bátasmiðs frá Noregi.
Kennsla fer fram í Gamla Slippnum. Unnið verður að viðgerð eldri báta sem og nýsmíði á norskum súðbyrðingi. Kennt verður föstudaginn 5. júlí frá kl. 13:00 – 18:00 og laugardaginn 6. júlí frá kl. 10:00 – 18:00.
Þátttaka er að kostnaðarlausu en skráningu þarf að tilkynna Anitu Elefsen, safnstjóra Síldarminjasafnsins, í síma 865 2036 eða með tölvupósti á netfangið: anita@sild.is
Fréttir- Eldri frétt
- Nýrri frétt