Fréttir
Menntamálaráðherra heimsækir Síldarminjasafnið
Lilja Alfreðsdóttir, mennta- og menningarmálaráðherra, flutti ávarp á málþingi í Gránu í júlíbyrjun. Málþingið var hluti af Norrænni Strandmenningarhátíð og fjallaði um hefðir í norrænni strandmenningu, súðbyrðinginn og UNESCO.
Lilja heimsótti jafnframt Síldarminjasafnið og kynnti sér starfsemi þess, rekstur, umfang og verkefnastöðu.
Síldarminjasafnið hefur frá árinu 2011 hlotið árlegan fjárstuðning frá mennta- og menningarmálaráðuneyti skv. gildandi rekstrarsamningi hverju sinni. Safninu er því dýrmætt að geta boðið menntamálaráðherrum í heimsókn og haldið góðum tengslum við ráðuneytið.
Ljósmynd: Steingrímur Kristinsson
- Eldri frétt
- Nýrri frétt